نموذج الاتصال

راضي الجعايدي: هاو علاش تلزيت بش نشكي بالترجي


بعد أن خرج المدرب السابق للترجي الرياضي التونسي راضي الجعايدي عن صمته لأول مرة يوم الاثنين الفارط خصوصا بعد الحملات العنيفة التي تعرض لها مؤخرا على خلفية تقدمه بشكاية ضد نادي باب سويقة والتي تسببت بمنعه من انتداب اللاعبين لحين خلاص مستحقاته المقدرة ب50 ألف دولار أمريكي ،

تحدث الجعايدي مجددا ليلة يوم امس الاربعاء لاذاعة موزاييك اف ام خلال مداخلته في برنامج ريكاب سبور وذلك من أجل أن يوضح للرأي العام وخصوصا لجماهير فريق الدم والذهب السبب الحقيقي الذي جعله يتخذ قراره برفعه شكاية ضد الترجي ، حيث قال:

"انا خرجت مالترجي عندي 10 أشهرة ولا حكيت ولا تكلمت عليها في شي بالرغم أني عندي برشا حاجات كنت نجم نحكيهم في ما يخص سبب خروجي.. الترجي تقعد ديما جمعيتي ، لكن موش معقول انو المسؤولين معادش يهزو عليا التاليفون جملة ولايرجعو عليا في ميساجاتي وانا فقط كنت طالب منهم انهم يمكنوني من مستحقاتي المادية."

كما اضاف راضي الجعايدي خلال مداخلته الهاتفية:

"والأغرب من ذلك هو تسريب تفاصيل سرية مفبركة من أجل تشويه صورتي للرأي العام واللعب بخبزتي.. ثم هل راضي الجعايدي هو أول واحد شكى بالترجي؟ فما لاعبين ومدربين شكاو بالترجي ويحبوا ياخذو فلوسهم..

لهنا تفهم كون المشكلة ماهياش مشكلة راضي الجعايدي ، المشكلة هي بالأساس مشكلة إدارية ، وانا اكثر حاجة قلقتني هي الحقرة.. علاش تتكبر عليا؟ خاطرني ولد جمعية وجيت نخدم دوبي دوب روحي وما خدمتش مخي كيما عملو برشا وحاد؟

إرسال تعليق